Lied der Deutschen

Lied der Deutschen
Datos
Tipu	cantar
Idioma	alemán
Xéneru	himno (es)
Lletrista	August Heinrich Hoffmann von Fallersleben
Compositor	Joseph Haydn
País	Alemaña
Fecha publicación	5 ochobre 1841
Audio

Das Lied der Deutschen o das Deutschlandlied (El cantar de los alemanes) ye l'himnu nacional d'Alemaña, del que la so lletra foi escrita por August Heinrich Hoffmann von Fallersleben en 1841 con música de Joseph Haydn quien la escribió orixinalmente en 1797 como parte d'un cuartetu de cuerdes (Kaiserquartett). La mesma partitura, pero con testu de Leopold Haschka, foi l'himnu del Imperiu Austrohúngaru, Gott erhalte Franz den Kaiser. Darréu, caltuvose la melodía, pero la lletra foi camudando.

Dende la fondación de la República Federal d'Alemaña consideróse que namás que la tercera estrofa formaba l'himnu. Asina oficializóse dos vegaes la primera en 1952 por un intercambeu de correspondencia ente'l Presidente Federal Theodor Heuss y el Canciller Federal Konrad Adenauer y foi confirmáu'l so estatus en 1990 nun intercambeu de correspondencia ente'l Presidente Federal Richard von Weizsäcker y el Canciller Helmut Kohl.